Алматыда құрылыс компаниясы басшыларының қатысуымен алаяқтық дерегі бойынша қылмыстық істі тергеу аяқталды, деп хабарлайды Kaztoday.kz.
Бұл жөнінде Бас прокуратураның әлеуметтік желідегі ресми парақшасында жарияланды.
Тергеу мәліметінше, компания басшылығы 2022-2023 жылдары 3 тұрғын үй кешеніндегі пәтерді сату сылтауымен азаматтардан алдап ақша алғаны анықталған.
Қылмыстық іс бойынша 312 адам жәбірленуші боп танылып, жалпы сомасы 2,5 миллиард теңге шығын келтірген.
— ЖШС-нің 4 басшысы ұсталып, қамауда отыр. Тергеп-тексеру шеңберінде жәбірленушілердің құқықтарын қалпына келтіру қамтамасыз етілді. Қылмыстық іс сотқа жолданды, деп мәлімдеді Алматы қалалық прокуратурасының өкілдері.
