Алматыда кәсіпкерлердің өзіне қысым жасап, бизнесіне залалын тигізген топ құрықталды, деп хабарлайды Kaztuday.kz.
Күдіктілерді ұйымдасқан қылмысқа қарсы күрес басқармасының қызметкерлері ҰҚКД-мен бірлесіп, прокуратураның үйлестіруімен қолға түсірген.
Олар криминалдық қамқорлық жасау мақсатында караоке-барға баса көктеп кіріп күзетшісі мен басшысын соққының астына алған.
– Полицияға 10 күдікті жеткізіліп, олардың 6-уы қамауға алынды. 20-дан астам іздеу іс-шаралары жүргізіліп, атыс және суық қару тәркіленді. Бұзақылық пен өз бетінше билік етудің бірнеше фактілері бойынша сотқа дейінгі тергеп-тексеру жүргізілуде. Күдіктілердің осыған ұқсас басқа да қылмыстарға қатысы бар-жоғы тексерілуде. Аталған бағыттағы жұмыс жалғасуда, – деді ІІМ ұйымдасқан қылмысқа қарсы күрес департаментінің өкілі Қуандық Алпыс.
