АҚШ-тың Иммиграция және кедендік бақылау қызметінің (ICE) 2024 жылдың қараша айындағы есебіне сәйкес, 1,5 миллионға жуық адам депортациялануы мүмкін, олардың арасында 369 қазақстандық бар, деп хабарлайды Kaztoday.kz.
Fox News жариялаған есепке сәйкес, ең көп депортация қаупі төніп тұрған азаматтар:
— Гватемала – 253 413 адам
— Гондурас – 261 651 адам
— Мексика – 252 044 адам
— Сальвадор – 203 822 адам
Сондай-ақ, тізімде:
— Қытайдан – 37 908 адам
— Өзбекстаннан – 975 адам
— Қырғызстаннан – 319 адам
— Тәжікстаннан – 149 адам
— Түрікменстаннан – 40 адам бар.
Бұл мигранттар қамауда отырмағанымен, олардың депортациялануы туралы түпкілікті шешімдер қабылданған.
Бұған дейін, Дональд Трамптың билікке келуімен АҚШ-та заңсыз мигранттарға қарсы қатаң шаралар қабылдана бастағаны хабарланған болатын. Сот шешімдері шыққаннан кейін жүздеген заңсыз мигрант ұсталып, елден шығарылған.
