2025 жылдың басынан бері Қазақстанда тәркіленген қарудың бір бөлігі Қаңтар оқиғасы кезінде ұрланған болып шықты, деп хабарлайды Kaztoday.kz.
Ұлттық қауіпсіздік комитетінің (ҰҚК) баспасөз қызметі осылай деп мәлімдеді.
«2025 жылдың басынан бері ҰҚК полиция және прокуратура органдарымен бірлесіп, заңсыз айналымдағы қаруды іздестіру және тәркілеу бойынша бірқатар жедел-іздестіру шараларын жүргізді. Нәтижесінде сегіз Калашников автоматы, 25 тапанша, 23 мылтық, 17 граната және 1 521 дана түрлі калибрлі оқ-дәрі табылып, тәркіленді. Анықталғандай, осы қарулардың төртеуі 2022 жылғы Қаңтар оқиғасы кезінде ұрланған,» – делінген дүйсенбі күні жарияланған хабарламада.
ҰҚК мәліметінше, бұл фактілер бойынша тергеу және жедел-іздестіру шаралары жүргізілуде.
