Жетісу облысында кәсіпкерді бопсалаған азамат 8 жылға бас бостандығынан айырылды, деп хабарлайды Kaztoday.kz.
Бұл туралы өңірлік прокуратураның баспасөз қызметі хабарлады.
«Арнайы мамандандырылған ауданаралық соттың үкімімен қазылар алқасының қатысуымен бұрын ЖШС қызметкері болған азамат кәсіпкерден 16 млн теңге тұратын пәтерді талап еткені үшін сотталды. Ол кәсіпкердің коммерциялық қызметіндегі заңбұзушылықтар туралы мәліметті жарияламау үшін пәтерді беруді талап еткен. Полицейлер оның қылмыстық әрекетін пәтер құжаттарын алу кезінде тоқтатты. Сот күдіктіні ҚР Қылмыстық кодексінің 194-бабы (бопсалау) бойынша кінәлі деп танып, 8 жылға бас бостандығынан айырды,» – делінген дүйсенбі күні жарияланған хабарламада.
Үкім заңды күшіне енді.
«Жетісу облысының прокуратурасы азаматтар мен кәсіпкерлерді бопсалау фактілері туралы құқық қорғау органдарына дереу хабарлауға шақырады,» – деп қосты қадағалаушы орган.
Фото: pixabay.com
