16 жастағы қыз өгей әкесінен жүкті болып қалды, деп хабарлайды Kaztoday.kz.
Таразда кәмелет жасына толмаған қыз бала өгей әкесінен бала туды. Бұл жөнінде облыстық перинаталдық орталықтың қызметкерлері полицияға хабарлаған.
Полиция қызметкерлері тергеу жұмыстарын жүргізген. Нәтижесінде қыздың 54 жастағы өгей әкесі күдікке ілінген. Бірақ ол өзінің қатысы жоғын мәлімдеген. Десе де, тәуелсіз зертханаларды өткізілген ДНҚ сынағы баланың әкесі сол екенін нақтылаған.
Полиция қызметкерлері жүргізген жедел-іздестіру іс-шараларының нәтижесінде қылмыстық іс-әрекет жасады деп күдіктелген қыздың 54 жастағы өгей әкесі анықталып, ұсталды, – деп хабарлайды облыстық полиция.
Бүгінгі таңда аталған дерек негізінде ҚР Қылмыстық кодексінің 120-бабы 3-1-бөлігі, яғни кәмелетке толмаған адамды зорлау бойынша сотқа дейінгі тергеу жүргізіліп жатыр.
Сот-медициналық сараптамалар тағайындалған. Тергеу сотының санкциясымен күдікті қамауда.
