Семейде баланы қатыгездікпен топ болып соққыға жығу фактісі бойынша қылмыстық іс қозғалды, деп хабарлайды Kaztoday.kz.
Бұл туралы Hola News хабарлады.
«Барлық төбелеске қатысушылар анықталып, ата-аналарымен бірге полицияға жеткізілді. Полиция департаментінің мәліметінше, жасөспірімдер арнайы есепке қойылады, ал олардың әрекетін арнайы комиссия қарайды. Ата-аналарға балаларын дұрыс тәрбиелемегені үшін жауапкершілік жүктеледі. Мектепке де жіберілген қателіктер көрсетіліп, мәселені түзету талап етіледі. Оқиғаға байланысты қылмыстық іс қозғалды», – делінген дүйсенбіде жарияланған хабарламада.
Бұған дейін оқиғаның видеосы жарияланған еді.
«Суық қарда баланы тепкілеп, соққыға жығып, қорлап, мұның бәрін видеоға түсірген. Шабуылдағандар – жасөспірімдер тобы. Араларында қыздар да болған, олар тек қарап тұрмай, баланың үстіне секіріп, басынан ұрып-соққан», – деп нақтылайды Hola News.
