Ұлытау облысының әкімі Дастан Рыспеков «Жомарт» шахтасында қаза тапқан кеншілердің отбасыларына көңіл айтпаған, деп хабарлайды Kaztoday.kz.
Бұл туралы Нұрболат Базарбекұлы есімді желі қолданушысы жазды.
«Жомарт шахтасында болған апаттық жағдайдан жеті бірдей азамат қаза болды. Артында балалалары мен жарлары, қарт анасы қалды. Қайғымызға ортақтасқан баршаңызға рахметімді айтамын.
Құрметті, Ұлытау облысының әкімі Дастан Адайұлы! Қаза болғандардың отбасыларына кіріп көңіл айтуға аса көп ақылдың қажеті жоқ. Лента қиғаннан оңай деп ойлаймын. Жезқазған мен Сәтбаев та лента қию керек болса баратыныңыз білеміз. Бұл енді өкінішке орай лента қиятын жағдай емес. Елдің байлығын қазып жүрген апталдай азаматтар марқұм болды. Сол байлықтың арқасында қаншама қазақ нан жеп отыр, сіз де Құрметті әкім мырза нан жеп жүрген азаматсыз. Құрметті, әкім мырза! Өзіңіздің парасатыңыз жетпесе, маңайыңызда жүрген кеңесші жандайшаптарыңызбен ақылдаспадыңыз ба? Жөн білетін, қазақилықты білетін біреуі бар шығар. Көңіл қосыныңызды жазбаша ғана білдіргеніңіз шахтадағы қазаға атүсті қарағаныңыз деп білемін!» – дейді ол жазбасында.
Жазбаны толық сілтемеден оқуға болады.
Бұған қатысты желі қолданушылары пікір білдіруде.
«Бұл пікірмен толық қосыламын. Тосыннан келген қайғы жеті отбасының ғана емес, барлық қазақ елінің қабырғасына батты. Халықты сыйламайтын әкімнің бізге не керегі бар?» – деп жазуда желі қолданушылары.
Жазбаға қатысты Ұлытау облысының әкімі төмендегідей жауап берген:
Сондай-ақ, облыс әкімдігінің Инстаграм желісіндегі ресми парақшасы да жазбаға қатысты жауап берді.
