Ресейлік 8 бұқаралық ақпарат құралына санкция салынды, деп хабарлайды Kaztoday.kz.
«Лента.ру», Ресей қорғаныс министрлігінің «Звезда» телеарнасы, Қырым аннекcияланғаннан кейін сонда істейтін кремльшіл NewsFront сайты, бұдан бөлек, EADaily порталы санкцияға іліккен.
Азаттық мәліметінше, Еуроодақ Ресейге ойын консолдерін экспорттауға тыйым салды, оларды майданда дрон басқаруға пайдалануы мүмкін деп айтылған.
48 жеке және 35 заңды тұлғаға санкция салынды, арасында Ресейге санкцияны айналып өтуге көмектесті делінген Үндістан, Қазақстан, Қытай, Біріккен Араб Әмірліктері, Сингапур, Түркия мен Өзбекстандағы компаниялар бар.
Ұлыбритания да жаңа санкция пакетін жариялайды деп отыр. Ақпаратқа қарағанда, Лондон жоғары лауазымды шенеуніктерге де, ірі ресейлік кәсіпкерлерге де санкция салмақ.
