Қызылорда қаласындағы «Baiterek school» мектебінде төрт оқушы тамақтан улану белгілерімен ауруханаға түсті, деп хабарлайды Kaztoday.kz.
OpenNews ақпарататтық агенттігі хабарлағандай, ата-аналардың айтуынша, 27 ақпанға қараған түні оқушылар өздерін нашар сезінген, алайда мектеп қызметкерлері бұл туралы ата-аналарға хабарламаған.
Тек таңертең басқа ата-аналардан жағдайды естігеннен кейін ғана олар мектепке келіп, жедел жәрдем шақырған. Зардап шеккен оқушылар қазір облыстық жұқпалы аурулар ауруханасында ем қабылдауда, оларға жедел ішек инфекциясы диагнозы қойылған.
Мектеп әкімшілігі оқиғаны тексеріп, кінәлілерді жауапқа тартуға уәде берді.
Оқиғаға қатысты желі қолданушылары пікір білдіріп, наразылық танытуда. «Жеке мектептерді азайту керек, бай-бағландардың бәрі мектеп пен балабақша ашып алған», «қызымды 1 сыныпқа осы мектепке бергенім бекер болды, білім сапасы төмен», «тек қалталарын ойлайды, тамақтары дұрыс емес, комиссия келгенде көзбояушылық жасайды» деген пікірлер жазған.
Толық материал сілтемеде.
