Салық төлемегені үшін бес жыл колония, сот блогерге үкім шығарды, деп хабарлайды Kaztoday.kz
Сот «Тілек марафонының» авторы Елена Блиновскаяға үкім шығарып, оны бес жылға бас бостандығынан айырды. Сондай-ақ сот оған 1 миллион рубль айыппұл салып, бес жыл бойы кәсіпкерлікпен айналысуға тыйым салды.
Мәскеулік сотта айыптау тарапы оны алты жылға бас бостандығынан айыруды талап еткен, алайда Блиновская балаларын тәрбиелеу қажеттілігін алға тартып, жазаны кейінге қалдыруды сұрады. Прокурор бұған қарсы шығып, сотталушының балаларына қамқор бола алатын туыстары бар екенін атап өтті, деп хабарлайды ZTB NEWS.
Сот барысында Блиновская өз кінәсін мойындап, бас бостандығынан айырмайтын жаза тағайындауды сұрады. Алайда сот айыптау тарапының уәждерін қабылдап, балаларының болуы заң бұзуына кедергі келтірмегенін мәлімдеді.
Еске сала кетейік, Блиновская салық төлеуден жалтару, ақша жылыстату және төлем қаражатын заңсыз айналымға шығару бойынша айыпталған. Тергеу мәліметінше, ол жұбайының көмегімен 906 миллион рубль салық төлемеген және 706 миллион рубльді заңдастырған.
Қаңтар айында блогер өз кінәсін мойындағанымен, бизнес жүргізу барысында заң бұзғанын білмегенін алға тартқан. Ол жылына 150 миллион рубльге дейін табыс табатындар үшін қарастырылған жеңілдетілген салық жүйесі бойынша төлем жасаған, алайда оның табысы әлдеқайда жоғары болған.
