Британдық мұнай-газ компаниясы Қазақстанға көпмиллиондық талап-арыз берді, деп хабарлайды kaztoday.kz.
Британдық Victoria Oil & Gas мұнай-газ фирмасы Қазақстанға қарсы сот ісін бастады. Компания бұл талап-арызды Энергетикалық хартияның ережелеріне сүйене отырып жолдаған.
Бұл жағдайды алғаш Energy Monitor қоғамдық қорының директоры Нұрлан Жұмағұлов байқаған. Ол берген пікірінде талап-арыздың саяси астары бар екенін және келтірілген шығын көлеміне күмәнмен қарайтынын айтты.
«Бұл кен орны жүздеген миллион доллар шығынға тең келеді деу қиын, әсіресе Статидің Боранқол мен Толқын кен орындарына қатысты ісімен салыстырғанда. Сондықтан, бұл талап-арыздың экономикалық емес, саяси астары басым болуы мүмкін», – деді ол.
