Ақтаулық полицейлер Наурыз тойлау кезінде бойжеткенді аттан күштеп түсірген, деп хабарлайды kaztoday.kz.
Оқиғаның видеосы желіде тарады.
Полицияның мәліметінше, Наурыз мейрамын тойлауға алаңға адам көп жиналған. Ал бойжеткен көпшіліктің ортасында атқа мініп жүрген. Тәртіп сақшылары оларға қауіп төндіретінін айтқанымен, жануардың иесі қарсы болған.
Сәйкесінше, қызға хаттама толтырылған.
Заң бойынша оған 117 960 теңге айыппұл салынуы немесе ол 15 тәулікке қамалуы мүмкін.
