Шымкентте алтыншы сынып оқушысына қатысты алаяқтық жасады деген күдікпен ер адам ұсталды, деп хабарлайды kaztoday.kz.
Шымкентте алтыншы сынып оқушысына қатысты алаяқтық жасады деген күдікпен ер адам ұсталды, деп хабарлайды ҚР Ішкі істер министрлігінің ресми интернет-ресурсы.
«Шымкент қаласында «Anti-Fraud» жедел-алдын алу іс-шарасы аясында полиция департаментінің киберполиция қызметкерлері интернет-алаяқтық жасады деген күдікпен ер адамды ұстады», – делінген хабарламада.
Тергеу мәліметіне сәйкес, күдікті Free Fire атты танымал мобильді ойынның «прокачанный» аккаунтын сатамын деп алтыншы сынып оқушысын алдаған. Бала ұсынысқа қызығып, анасының банк картасын суретке түсіріп, реквизиттерімен қоса растау кодын да жіберген.
Картадан ақша жоғалғаннан кейін, баланың анасы бірден полицияға жүгінген. Нәтижесінде күдікті қолға түсті.
«Полиция ата-аналарға балаларына интернетте қауіпсіздік ережелерін жиі ескертіп тұруды сұрайды. Ешқашан және ешкімге банк деректерін бермеңіз, өзгелерге де беруге рұқсат етпеңіз. Абай болыңыздар, алаяқтардан сақтаныңыздар», – деп ескертті ІІМ.
