Екі адам қайтыс болған: Жетісайда жанармай құю бекетінің басшылары сотталды, деп хабарлайды kaztoday.kz.
Түркістан облысы Жетісай ауданында жанар жағар май автогаз құю бекетінде екі адам өртке күйіп, қайтыс болған. Тексеру нәтижесінде өрт қауіпсіздік талаптарының ережелерін сақтамалмағаны белгілі болған.
Сот осы дерекке қатысты үкім шығарды.
Сот талқылауы барысында мемлекеттік айыптаушы абайсызда 2 адамның өліміне алып келген сотталушылардың кінәлі екендерін дәлелдеді. Қылмыс жасаған «JOL YRYSY» ЖШС-нің жүргізушісі және оның басқарушы директорына әрқайсысына 5 жылдан бас бостандығынан айыру жазаларын тағайындады, деп хабарлады Бас прокуратураның өкілдері.
Сот үкімі заңды күшіне енген жоқ.
