Маңғыстау облысында жаңа туған нәрестені тұрғын үй терезесінің жанына тастап кеткен ана әлі табылмады, деп хабарлайды kaztoday.kz.
3 мамыр күні Маңғыстау облысы Мұнайлы ауданына қарасты Бесшоқы ауылында тұрғын үйлердің бірінің терезесінің жанынан жаңа туылған сәби табылған. Шақалақ дереу жергілікті перзентханаға апарылған.
Маңғыстау облыстық полиция департаментінің баспасөз қызметінің мәліметінше, баланың анасын және оның мекен жайын табу бойынша жедел-іздестіру шаралары жалғасып жатыр.
– Бүгінгі күнге дейін баланың анасын табу мүмкін болмады, – деп мәлімдеді ведомство өкілдері.
Қазіргі таңда полиция аталмыш дерекке байланысты қылмыстық іс қозғаған.
