10 жастағы бала тоққа түсіп, жансақтау бөліміне жеткізілді. Жазатайым оқиға Шалқар қаласында орын алған, деп хабарлайды Kaztoday.kz.
Облыстық әкімдіктің мәліметінше, бала ескерткіш маңындағы қоршауға орнатылған жарық шамына өрмелеп, ойнап жүрген кезінде тоқ соғып қалған.
Дәрігерлер баланың жағдайы ауыр, қазіргі уақытта жансақтау бөлімінде ем қабылдап жатқанын айтты.
— Бала қатты электр шогын алған. Тоқ соққаннан кейін оның сол жақ беті күйіп қалған, — деді дәрігерлер.
Оқиғаға тиісті органдар тексеріс жүргізіп жатыр.
