Қытай оқу орындарында қазақстандықтар тегін білім алады, деп хабарлайды kaztoday.kz.
«Болашақ» халықаралық бағдарламалар орталығының мәліметінше, Қытайдың оқу орындарында білім алатын қазақстандықтар үшін 44 грант бөлінген.
Атап айтқанда 35 грант Қазақстан мен Қытай арасындағы 2003 жылғы білім беру саласындағы ынтымақтастық туралы келісімге сәйкес, қалған 9 грант Шанхай ынтымақтастық ұйымы шеңберінде ұсынылып отыр.
Грантқа түскен студенттер бакалавриат бағдарламасы бойынша ай сайынғы стипендия – 2,500 CNY (шамамен 181 мың теңге) , магистратурада – 3,000 CNY (шамамен 217 мың теңге), докторантурада – 3,500 CNY (шамамен 253 мың теңге) алады. Сондай-ақ, медициналық сақтандырылады және жатақханада тұрады.
