Қызылорда облысы Қармақшы ауданындағы №2 «Балайым» балабақшасында балалардың күтімі мен денсаулығына байланысты мәселелер туындағаны туралы видео тарады, деп хабарлайды Kaztoday.kz.
Мекемеде балаларға дұрыс күтім көрсетілмеген. Видео авторының айтуынша, балабақшада тиісті санитарлық талаптар сақталмай, «балалар тышқанмен бірге бағылуда».
«Тіреуішің мықты болса болды, балалардың іші кетіп ауырса да ештеңе етпейді», – дейді видео авторы.
Бұл жағдай ата-аналардың наразылығын тудырып, жауапты мекемелерден тиісті шара қабылдауды талап етуде. Ата-аналар мен қоғам өкілдері білім беру және денсаулық сақтау мекемелерінен балабақшадағы жағдайды тексеріп, тиісті шара қолдануды сұрайды.
Видеоға оқырмандар түрлі пікір білдіріп, қызу талқылауда.
«Масқара жеке меншік балабақшаларды жабу керек», «Қызымызда сеніп тапсырып жүрген садигіміз осы болса, балалар ауырмай қайтеді мынадан кейін?», «Мынау не сұмдық, санитарлық талапқа сай емес» деп жазды олар.
