Имамдар 85 мың теңге айлыққа күн көруде, деп хабарлайды kaztoday.kz.
Қазақстан бойынша ең төмен жалақы алатындар — имамдар. Бұлы туралы Қазақстан мұсылмандары діни басқармасы хабарлады. Басқарманың мәліметінше дін қызметкерлері айына бар болғаны 85 мың теңге жалақы алып отыр.
ҚМДБ-ның 2021 жылғы кеңейтілген қорытынды мәжілісінде Бас мүфтидің бастамасымен 200 имамға жыл бойы ең төменгі жалақы көлемінде айлық тағайындалған еді. 2023 жылы бұл көрсеткіш 532 дін қызметкеріне өсті, — деп жазылған хабарламада.
Оның ішінде өзін-өзі қаражатпен қамтамасыз ете алмайтын 200 ауыл имамы, үздік 200 медресе шәкірті және 132 медресе ұстазы бар.
Ал қазіргі таңда ҚМДБ ұйымдастыруымен 800-ге жуық дін қызметкері жалақымен қамтамасыз етілуде, — деді ҚМДБ.
Дереккөз: TurkistanTV
