Шығыс Қазақстан облысында құбыр жөндеп жүрген жұмысшылар қаза тапты, деп хабарлайды kaztoday.kz.
Қайғылы оқиға Үлкен Нарын ауылында болды. Жұмысшылар су құбырын жөндеп жүрген кезде шұңқырдағы топырақ опырылып кеткен. Салдарынан екі коммуналдық қызметкер қайтыс болды.
Олар — «Нарын КомХоз Сервис» коммуналдық кәсіпорнының дәнекерлеушісі Ержан Айтпаев пен слесарь Сергей Кастерин.
Оқиға орнынa облыс әкімі Нұрымбет Сақтағанов барды. Төтенше жағдайдан кейін ол арнайы комиссияны өндірістік және еңбек қауіпсіздігі саласындағы регламенттерді қайта қарауға шақырды.
