Қызылордада ұшақ шұғыл қонуға мәжбүр болған, деп хабарлайды kaztoday.kz.
ТЖМ кезекші бөліміне Қызылорда облысында «Таң-Құмкөл» бағытында ұшқан АН-2 ұшағы мәжбүрлі түрде жерге қонғаны туралы хабарлама түскен.
Бортта үш адам болған. Алайда олармен байланысу мүмкін болмаған. Қай жерде екені белгісіз еді. Жедел іздестіруге ТЖМ барлық күштері мен құралдары тартылды. Сондай-ақ іздестіру жұмыстарын жүргізу үшін ҚР ТЖМ «Қазавиақұтқару» АҚ тікұшағы жұмылдырылды.
Іздестіру тобының жұмыстарының нәтижесінде 8 сағаттан кейін түнде жоғалғандар айдаладан табылып, Қызылорда облысы Сырдария ауданы Тереңөзек кентіне жеткізілді.
Ұшақ ішіндегілерге медициналық көмек керек болмаған.
