Алматыда тұрғын үй кешенінің жанында екі адамды пышақтап кетті, деп хабарлайды kaztoday.kz.
Сұмдық оқиғаның видеосын Telegram-дағы «Твой Алматы» арнасы жариялады.
Жазбадан үйдің кіре берісінде жедел жәрдем және полиция көліктерінің тұрғанын байқауға болады.
Әуезов аудандық полиция басқармасының мәліметінше, суық қару қолдану арқылы жасалған бұзақылық фактісі бойынша іс қозғалған.
«Аталған тұрғын үй кешенінің тұрғындары арасында туындаған жанжал кезінде бір адам екі қарсыласын пышақтап кеткені анықталды, оларға медициналық көмек көрсетілді.
Күдіктілер анықталды. Қазіргі уақытта аталған қылмысты ашуға бағытталған жедел-іздестіру шаралары жүргізіліп жатыр», — деп хабарлады полиция департаменті өкілдері.
