Қарағанды облысында көлік жүргізушісі киіктерді қағып, жол апатына ұшырады, деп хабарлайды kaztoday.kz.
Оқиға «Астана — Қарағанды — Алматы» тас жолында болған.
23 жастағы көлік жүргізушісі түнде жол жиегіне шығып кеткен киіктерді қағып кеткен. Салдарынан 20 жастағы жолаушы дене жарақатын алды.
«ҚазАвтоЖол» компанниясы өкілдерінің мәліметінше, жол бойында жануарлардың шығып кетпеуі үшін торлар орнатылған.
«Алдын ала мәлімет бойынша киіктердің жаппай қозғалуына байланысты торлардың бір бөлігі бұзылып, жабайы аңдардың жолға шығуына себеп болды. Қазіргі таңда қалпына келтіру жұмыстары жүргізіліп, жолдың басқа да учаскелері тексерілді», — деді компания.
