Атырау облысы, Индер ауданында қарақұрт көбейіп, жұртшылыққа қауіп төндіруде, деп хабарлайды Kaztoday.kz.
Биылға маусым айында улы жәндік барлық округтердің жайылымдарын жаулап алды. Өткен жылы қарақұрт 13 адамды шағып, 40-қа жуық мал қырылған. Биыл да жағдайдың күрделенуі байқалуда.
Қарақұрттың шағуы күннің ысыған уақытында мамыр айының соңында басталады. Мамандар малшыларға етік киіп жүруді ұсынады. Қазіргі уақытта малдар аман, бірақ Махамбет ауданында 40 жастағы азамат қарақұрттың шағуынан ауруханаға түскен деп жазады qazaqstan.tv.
Өткен жылдары қарақұрт 124 түйені шағып, 18-і қырылған. Биыл да малдардың қауіпсіздігін қамтамасыз ету үшін шаруалар арнайы дезинфекция жұмыстарын жүргізуде. Алайда, қаржыландырудың болмауы салдарынан мемлекеттік деңгейде тиімді шаралар жүргізу мүмкін болмай жатыр.
«Жеке адамдар дезинфекция жұмыстарына жүгініп жатыр. Енді ол уақытта керолин, нацедолмен малдың өзін тікелей дезинфекция жасауға болады. Ал қоражайға келетін болсақ, шабындық жер бұлар бюджеттен бізге келмейді, дейді аудандық ветеринариялық станциясы басшысының орынбасары Ержан Әбішев.
Шаруалар қарақұртты жоюға қаржы бөлу және төтенше жағдай жариялау қажеттігін айтуда. Ұсыныс енді қаралады.
