Шымкент қаласында полиция қызметкерлері әйелдерге қатысты жасалған сталкингтің екі фактісін анықтап, жолын кесті. Екі жағдайда да күдіктілер жәбірленушілермен бұрын таныс болған.
Бірінші оқиғада қала тұрғыны бұрын қарым-қатынаста болған ер адамға шағымданған. Қарым-қатынас тоқтағанына қарамастан, күдікті әйелді мазалап, әртүрлі нөмірлерден қоңырау шалып, хабарламалар жіберген. Сондай-ақ оның үйі мен жұмыс орнына барып, тыныштығын бұзған. Аталған дерек бойынша күдікті қамауға алынды.
Екінші жағдайда қудалау әрекеті күш қолдануға ұласқан. Жәбірленуші полицияға жүгінгеннен кейін сталкинг және ұрып-соғу фактілері бойынша қылмыстық іс қозғалды. Күдікті ұсталып, қамауға алынды.
Қылмыстық істер тәулік ішінде сотқа жолданған.
❗ Қазақстан Республикасы Ішкі істер министрлігі мұндай құқық бұзушылықтарға жол бергендер қолданыстағы заңнама аясында қатаң жауапкершілікке тартылатынын ескертті.
Әйелдерді аңдыған екі ер адам қамауға алынды.
Добавить комментарий
kaztoday.kz — мәтін түрінде, бейнекөрініс және сурет арқылы ақпарат тарататын тәуелсіз желілік басылым.
Сайт 2024 жылы Қазақстан Республикасы Ақпарат және қоғамдық даму министрлігінің Ақпарат комитетінде №KZ13VPY00107562 куәлігімен тіркелген.
Бас редактор:
Материалды көшіріп басу кезінде kaztoday.kz сайтына тікелей гиперсілтеме көрсету міндетті.