Ақтөбеде велосипедпен жүрген курьер мен 12 жастағы қыздың соқтығысуы салдарынан жасөспірім ауыр жарақат алды. Оқиға 30 шілде күні шамамен сағат 18:00-де болған.
Қыздың анасының сөзінше, сол сәтте баласы да велосипедпен жүрген. Курьер қызды қағып кеткеннен кейін оған көмек көрсетпестен, оқиға орнын тастап кеткен.
Жарақат алған жасөспірім облыстық балалар ауруханасына жеткізілді. Дәрігерлер оның жоғарғы жағы мен бет сүйегі сынғанын, сондай-ақ алдыңғы тістерінен айырылғанын анықтаған.
Қазір полиция оқиғаның мән-жайын анықтап жатыр. Құқық қорғау органдары маңайдағы бейнебақылау камераларының жазбаларын зерделеп, оқиғаға қатысы бар адамды анықтау шараларын жүргізуде.
