Балқаш қаласында 13 және 15 жастағы екі жасөспірім қызға қатысты ауыр қылмыс жасады деген күдікпен бірнеше ер адам ұсталды.
Оқиға жәбірленушілердің туысы әлеуметтік желіде бейнеүндеу жариялағаннан кейін қоғам назарын аударды.
Оның айтуынша, қылмыс биыл жазда болған. Бірнеше ер адам қыздарға күш қолданып, ұрып-соғып, денелерін темекімен күйдірген. Сондай-ақ жасөспірімдерге алкоголь ішкізіп, оларды жыныстық сипаттағы әрекеттерге мәжбүрлеген деген мәлімет айтылды.
Қарағанды облыстық полиция департаменті аталған дерек бойынша қылмыстық іс қозғалғанын және күдіктілердің ұсталғанын растады.
Қазіргі уақытта сотқа дейінгі тергеу амалдары жүргізілуде. Оқиғаның барлық мән-жайы анықталып жатыр.
Бұл жағдай кәмелетке толмағандардың қауіпсіздігі мен оларды зорлық-зомбылықтан қорғау мәселесін тағы да күн тәртібіне шығарды.
Күдіктілердің кінәсі сот үкімімен дәлелденген жоқ.
