Бүгінгі күні Қызылорда қаласындағы көпқабатты үйлерді ыстық сумен қамтамасыз ету жұмыстары жүргізілуде. Алайда, мердігер мекеменің қателіктерінен тұрғындар қарапайым ауыз суға жарымай қалып жатыр, деп хабарлайды Kaztoday.kz.
Өздерінің шағымдарын тұрғындар жерлікті пабликтердің бірінде жариялаған.
“Біз Панфилов 31а үй тұрғындары ыстық су жүргізуші ТОО “Мелиоратор” мекемесінің арқасында ауыз сусыз қалдық. Ыстық суға насос қойып, су жүретін құбырдың бойындағы бүкіл қоқыс суды жоғары айдап жібергеннің арқасында осындай болып жатыр! Мен 5 этаж тұрғынымын, мотор қосып напор дұрыс болатын еді. Қазір ол да жоқ мотормен де тартпайды. Бұл мәселені кім қарастырады шешілмесе осылай отыра береміз бе әлде. Бұлай жасағаннан жасамай — ақ қою керек еді ыстық суды! Сол “Ыстық сусыз” ақ нормально еді”, — дейді тұрғындардың бірі.
Қазіргі таңда аталмыш мәселеге байланысты жауапты мекемелерден нақты жауап берілмеді.
“Сәлеметсіз бе? Сауал облыстық энергетика және тұрғын үй — коммуналдық шаруашылық басқармасына жолданды. Аталған басқарма тарапынан ақпарат берілетін болады”, — деді қала әкімдігі.
