Айнұр Қайратқызы есімді блогер мұсылмандардың жаңа жылды тойлауына байланысты сөз қозғады, деп хабарлайды Kaztoday.kz.
Ол мұсылмандарға «жаңа жылды тойламақ түгілі, оны айтудың өзі күнә» деп мәлімдеген. Бұл туралы ол өзінің әлеуметтік желідегі парақшасында айтқан.
“Егер мұсылман біреуді жаңа жылыңмен деген сөзбен құттықтайтын болса, онда ол күнә болады. Бірақ, күпірлікке түспейді, ол діннен шықпайды. Егер біреу “жаңа жылыңмен” деп құттықтайтын болса, оған “рахмет, өзіңе де” деп жауап беруге тыйым салынады. Себебі, шариғатта күнәға алғыс білдіру – күнә. Оның орнына “саған барлық жақсылықты тілеймін” деп, жауап берген дұрыс. Сондай-ақ, жаңа жылдың құрметіне бір-біріне сыйлық беру, жаңажылдық мерекелерге балаларды қатыстыру, үйге шырша ілуге — шариғатта рұқсат жоқ. Біз исламның мерекелерімен жүруіміз керек”, – дейді Айнұр Қайратқызы.
