Қазақстандағы уақыт белдеуі жөнінде Mazmundama жобасының авторы, баспагер Шыңғыс Мұқан пікір білдірді, деп хабарлайды kaztoday.kz.
Ол «Қазақстандағы сағатты Қытайға қарап ауыстырған сияқтымыз» деді өзінің Іnstagram-дағы парақшасында.
Қазақстанда сағатты меніңше, Қытайға қарап ауыстырған сияқтымыз. Өйткені көктемде мен Гуанжоуға бардым. Гуанжоуға ұшақ болмай, Үрімжіге ұшып келдім. Сағат 22.00-22.30 шамасында ұшып келсем, дала жап-жарық. Неге десек, бүкіл Қытайда уақыт бірдей екен. Қытайда бес уақыт белдеуі бар. Қазақстан аумағынан үш жарым есе үлкен ел ғой. Бірақ үрімжіліктер ресми Бейжіңнің уақытымен жүрген болып есептеледі екен де, өздерінің бұрынғы уақыттарымен дүкендерін ашады. Өздерінің бұрынғы уақытымен дүкендерін жабады, деді ол.
Сондай-ақ ол Қазақстан мен Қытайдың саяси жүйесіне салыстырып айтты.
Қытай авторитарлық ел. Билік билік құратын ел. Қазақстан демократиялық ел дейміз. Демос деген халық деген сөз. Яғни, халық билік құратын ел. Сондықтан билік халықтың айтқанымен санасатын шығар деп ойлаймын, – деді Шыңғыс Мұқан.
