Жаңа жылда жоғалып кеткен шопан мен отар қойлар табылды, деп хабарлайды kaztoday.kz.
Жетісу облысы Ақсу ауданында жаңа жыл қарсаңында қой жайып жүрген шопан жоғалып кеткен болатын. Бүгінде 59 жастағы шопан мен оның 150-ден астам қойы табылды.
Бұл туралы Polisia.kz мәлімдеді.
«Ер адам Матай ауылдық округінен қой жаюға шыққан, алайда Жаңа жыл қарсаңында онымен байланыс үзілген. Полицейлер, құтқарушылар мен жергілікті тұрғындар күштерін біріктіріп, үйлесімді әрекеттерінің арқасында шопан мен оның қойлары аман-есен табылды», — делінген хабарламада.
