84 елді мекенді су тасқынынан қорғайтын бөгет салынуда, деп хабарлайды kaztoday.kz.
Бұл туралы Су ресурстары министрлігі мәлімдеді.
Қазіргі таңда Ақмола, Ақтөбе, Батыс Қазақстан, Павлодар, Солтүстік Қазақстан және Қостанай облыстарындағы елді мекендерде су тасқынынан қорғайтын бөгеттер салынуда. Оның жалпы ұзындығы 310 шақырымды құрайды.
Өткен жылы көктемде еліміздің бірнеше аймағында үлкен су тасқыны болып, халық шығынға ұшырағаны белгілі. Тасқын салдарынан 17 мыңнан аса үйге су кірген немесе су астында қалып, 120 мыңнан астам адам үйін тастап кетуге мәжбүр болған.
