Қарағанды облысында ауа райының қолайсыздығынан мыңнан астам көлік жолда қалып қойды, деп хабарлайды Kaztoday.kz.
Қарағанды облысында күрделі ауа райы жағдайына байланысты жолдарда екі күннен бері мыңнан астам көлік қозғалыссыз тұр. Олардың жартысы жүк көліктері.
«Астана – Қарағанды» және «Қарағанды – Балқаш» автожолдарында қозғалыс кеше уақытша жабылды.
Соңғы мәліметтер бойынша, өңір жолдарында 527 жеңіл көлік, 500 жүк көлігі және тоғыз қоғамдық көлік тұрып қалған.
