Ұлытау облысында түрмедегілерді азаптаған қызметкерлерді тергеу аяқталды, деп хабарлайды Kaztoday.kz.
Ұлытау облысының арнайы прокурорлары Жаңаарқа ауданы полиция бөлімінің қызметкерлерімен әкімшілік құқық бұзушыны жеткізу барысында азаптау фактісі бойынша сотқа дейінгі тергеп-тексеруді аяқтады. Бұл жөнінде Ұлытау облысының прокуратурасының ресми сайтында белгілі болды.
Прокуратураның мәліметінше, тергеу барысында күдіктілерге кепіл және ешқайда кетпеу туралы қолхат түрінде бұлтартпау шаралары қолданылған.
Қазіргі уақытта іске қатысушы тараптар ҚПК-нің 296-бабына сәйкес қылмыстық іс құжаттарымен таныстырылып, бұдан кейін қылмысқтық іс сотқа жолданатын болады.
