Шымкенттік ерлі-зайыптылар жалған алкогольден 309 миллион теңгеден астам (595 мың доллар) табыс тапқан, деп хабарлайды Kaztoday.kz.
Ерлі-зайыптылар жалған акцизбен алкогольді заңсыз өндіруді ұйымдастырған.
Тапқан табысына олар 234 миллион теңгеге (450 мың доллар) 13 автокөлік сатып алған, деп хабарлады Қаржылық мониторинг агенттігі.
Тінту барысында 75 миллион теңге (144 мың доллар) және 9 мың литр спирт тәркіленген.
Ерлі-зайыптылардың бірі 5 жылға, екіншісі 6 жылға бас бостандығынан айырылды.
