Данияда тағы да Құран өртелді, деп хабарлайды Kaztoday.kz.
Мұсылмандар үшін қасиетті кітапты өртеу акциясын оңшыл экстремистік партияның жетекшісі Расмус Палудан ұйымдастырды. Ол бұл әрекетін Копенгагендегі Түркия елшілігінің алдында жасады.
Өзінің Instagram парақшасында Расмус Палудан бұл қадамға Швецияда бірнеше рет Құран өртеген және TikTok-тағы тікелей эфир кезінде Стокгольм маңындағы үйінде атып өлтірілген Салван Момикені еске алу үшін барғанын мәлімдеді. Антиисламист дат полициясы оған Момикені қолдауға арналған митинг өткізуге рұқсат бермегенін айтты.
Расмус Палудан бұған дейін де Құранды Швециядағы Түркия елшілігінің және Даниядағы Ресей елшілігінің алдында өртеген.
2023 жылы Данияда Құранды өртеуге заң жүзінде тыйым салынған. Діни мәтіндерді «лайықсыз түрде қолданғандарға» айыппұл немесе екі жылға дейін бас бостандығынан айыру жазасы қарастырылған.
Бұған дейін Қазақстан Президенті Қасым-Жомарт Тоқаев Солтүстік Еуропа елдеріндегі Құранды өртеу әрекеттерін айыптаған еді.
