Алаяқтар 2 млрд теңгеден астам қаражатты елден шығармақ болған. Алайда Ішкі істер министрлігінің қызметкерлері бұл қылмыстың жолын кескен, деп хабарлайды Kaztoday.kz.
Президент Қасым-Жомарт Тоқаев Ішкі істер министрі Ержан Сәденовті қабылдады. Министр елдегі қылмыстық ахуал жөнінде ақпарат берген. Оның сөзінше, елімізде қабылданған кешенді шаралар нәтижесінде былтыр қылмыс саны 12,7 мыңға азайған.
Соңғы 12 айда есірткі таратуға қатысты ақпарат жариялаған 7500-ге жуық интернет-ресурс анықталған, 22 тоннаға жуық есірткі айналымға жіберілмеген, 64 есірткі зертханасы жойылған. Интернет-алаяқтардың 65 миллион қоңырауы бұғатталған. Нөмірлерді ауыстыруға арналған 48 SIM-box құрылғысы әшкереленген. Алаяқтардың 2 миллиард теңгеден астам қаржыны елден шығаруына жол берілмеген, деді министр.
