Қызылорда облысында жолаушыдан есірткі тәркіленді, деп хабарлайды Kaztoday.kz.
Самара-Шымкент тас жолының бойында, Төретам кенті тұсында жылдамдықты асырған көлікті тәртіп сақшылары тоқтатқан. Жолаушыны тексеру барысында 4 полиэтилен пакетке оралған салмағы 20 кг болатын кептірілген марихуана анықталып, айғақ зат ретінде тәркіленді.
Аталған құқық бұзушылық дерегі «Нашақорлыққа жол жоқ» жобасы аясында анықталған. Қызылорда облыстық прокуратурасының үйлестіруімен ҚР ІІМ Байқоңыр қаласындағы Өкілдігінің полиция қызметкерлері бірігіп, есірткі тасымалының жолын кесті.
Аса ірі мөлшердегі есiрткi, психотроптық заттарды, сол тектестерді өткізу мақсатында заңсыз тасымалдау фактісі бойынша Қылмыстық кодекстің 297-бабының 3-бөлігімен қылмыстық іс қозғалып, күдіктіге қатысты күзетпен ұстау бұлтартпау шарасы қолданылды.
