СҚО-да ҰҚК қызметкерінің есірткіге қатысты іс бойынша ұсталғаны туралы ақпаратқа полиция түсініктеме берді, деп хабарлайды Kaztoday.kz.
Солтүстік Қазақстан облысында синтетикалық есірткі жеткізумен айналысты деген күдікпен 27 жастағы астаналық тұрғын ұсталған.
«27 жастағы Астана қаласының тұрғыны Петропавл қаласында синтетикалық есірткі жеткізді деген күдікке ілінді. Оны Солтүстік Қазақстан облысы полиция департаментінің есірткі қылмысына қарсы іс-қимыл басқармасының қызметкерлері қылмыс үстінде ұстады», — деп хабарлады СҚО ПД баспасөз қызметі.
