Мәжіліс депутаты Таңсәуле Серіков ата-анасын қарттар үйіне апарып тастайтындарға байланысты ұсыныс айтты, деп хабарлайды Kaztoday.kz.
Депутаттың сөзінше, қарттар үйіндегі қариялардың саны жыл санап көбейіп келеді. Ондағылардың басым бөлігі, яғни 90 пайызы қазақтар екенін алға тартты.
Т.Серіков бұдан былай осындай жағдайға душар еткен балалардан да алимент өндіру керегін тілге тиек етті.
Ата-анасын қарттар үйіне өткізген балалардың айлық жалақысынан 50% ұстап, оны ата-аналарының шотына аудару керек, деді депутат.
Сондай-ақ, жасы 70-тен асқан кісілердің атында жылжымайтын мүлкі болса, өле-өлгенше басқа адамның атына аударуға тыйым салу керегін айтты.
