Көкшетаудағы ТЖМ академиясының оқытушысы өлі табылды, деп хабарлайды kaztoday.kz.
22 жастағы оқытушының денесін курсанттар академияның ғимаратынан тапқан.
Қайғылы жағдай 2 сәуірде болған. Полиция ақпаратты растады.
«2 сәуірде Көкшетауда Қазақстан Республикасының ТЖМ М.Ғабдуллин атындағы Азаматтық қорғаныс академиясының оқытушысының мәйіті табылды. Алдын-ала мәлімет бойынша ол суицид жасаған», – деді Ақмола облысының Полиция департаменті.
Құқық қорғаушылар қылмыстық істі тіркеді. Оқиғаның мән-жайы анықталып жатыр.
