Ресей жағында соғысып, Украинада тұтқынға түскен қазақстандықтардың видеосы жарияланды, деп хабарлайды kaztoday.kz.
Қазақстандықтар Ресей жағында соғысқа қатысқаннан кейін Украинада тұтқынға түсті. Олардың видеосын украиналық «Хочу жить» жобасы жариялады.
Тұтқындардың бірі Ресейге вахталық жұмысқа барғанын және оған күзетте жұмыс істеймін деп, келісімшартқа қол қоюды ұсынғанын айтады. Алайда келісімшартқа қол қойғаннан кейін оны оқу орталығына жіберіп, кейін Луганск облысына алдыңғы шепке жіберген.
Қазір ол тұтқында және үйіне оралуға үміттеніп отыр. Видеода оның қасындағы тағы екі қазақ тектес ер адам бар. Оның бірі Орынбордың тумасы, екіншісі — Байқоңырдан. Олардың азаматтығы видеода нақты көрсетілмейді.
Жоба журналисі Қазақстандықтың анасына хабарласып, әйелдің ұлының соғысқа барамын деген ниеті туралы білмегенін және оны жібермеуге тырысқанын айтты.
Дереккөз: @ztb_qaz
