Жол ережесін өзгертпек болған тараздық тұрғын заң алдында жауап берді, деп хабарлайды Kaztoday.kz.
Таразда бір тұрғын ерекше «тапқырлығымен» көзге түсті. Ол үйіне көлігімен тікелей кіріп-шығуға кедергі келтіретін жолдағы тұтас сызықты қара бояумен бояп, жол ережесін көзіне ілмеген.
Алайда оның бұл әрекеті ұзаққа созылмады. Полиция ер адамды тез арада анықтап, әкімшілік жауапкершілікке тартқан.
Құқық қорғау органдары жолдағы мұндай «жеке бастамалардың» апатты жағдайларға әкелуі мүмкін екенін ескертіп отыр.
