Қазақстанда жүргізуші куәлігін алу ережелері өзгереді.

Ведомство мәліметінше, қазіргі уақытта Қазақстан Республикасының Ішкі істер министрлігі Қазақстан Республикасының Цифрлық даму, инновациялар және аэроғарыш өнеркәсібі министрлігі-мен бірлесіп, жүргізуші куәлігін алу емтихандарын қабылдау қағидаларына өзгерістер әзірлеуде.
Ұсынылып отырған түзетулердің басты мақсаты – рәсімдердің ашықтығын арттыру және азаматтар үшін қолайлы жағдай жасау.
Жаңа ережелерге сәйкес, емтиханды тапсыру әрекеттерінің санына қойылатын шектеуді алып тастау көзделіп отыр. Сонымен қатар, практикалық емтиханды ақылы негізде әр 10 күн сайын қайта тапсыру мүмкіндігі енгізілмек. Ал тегін қайта тапсыру құқығы бұрынғыдай сақталады – әр 30 күнде бір рет.
Бұдан бөлек, цифрландыру мәселесіне ерекше назар аударылуда. Емтихан қабылдау процесін автоматтандыру және адам факторын азайтуға бағытталған шешімдер қарастырылып жатыр.
— Біздің мақсатымыз – жүргізушілердің дағдыларын әділ бағалау, баршаға тең мүмкіндік беру және заңбұзушылықтарға жол бермеу, – деп атап өтті министрлік өкілдері.