Полиция қызметкерлеріне пәтердің есігін ашу туралы шақырту келіп түсті. Алдын ала мәлімет бойынша, тұрғындар пәтер ішінен мәйіттің иісі шығып жатқанын хабарлаған.
Есік ашылғаннан кейін оқиға орнынан адам мен бірнеше мысықтың сүйек қалдықтары табылды. Мамандардың болжамынша, марқұмның денесі пәтерде шамамен үш жыл бойы жатқан. Сонымен қатар, пәтер ішінде осы уақытқа дейін радио құрылғысының жұмыс істеп тұрғаны анықталған. Оның қалай үздіксіз жұмыс істеп келгені және қандай жағдайда қосулы болғаны әзірге белгісіз.
Оқиғаның тағы бір таңғаларлық тұсы – адамның үш жыл бойы із-түзсіз жоғалғанына ешкімнің назар аудармағаны. Көршілер де осы уақыт аралығында ешқандай күдік туғызатын иісті немесе басқа да белгілерді байқамаған.
Қазіргі уақытта аталған жайтқа қатысты тиісті органдар тексеру жұмыстарын жүргізіп жатыр. Марқұмның нақты қашан және қандай жағдайда көз жұмғаны анықталуда.
