Қостанайда тұрғын алаяқтардың сөзіне сеніп, қомақты қаржысынан айырылып қала жаздады. Құқық қорғау органдарының араласуы нәтижесінде оның 15 млн теңге көлеміндегі жинағын қаскөйлерге аударуына жол берілмеді.
Алаяқтар ер адамға хабарласып, өздерін банк қызметкерлері ретінде таныстырған. Олар тұрғынның жинақ ақшасына қауіп төніп тұрғанын айтып, қаражатты сақтау үшін оны шұғыл түрде арнайы «қауіпсіз шотқа» аудару қажет екеніне сендірген.
Қаскөйлердің сөзіне иланған тұрғын олардың нұсқауы бойынша 4,5 млн теңгені аударып үлгерген. Кейін жағдайға полиция қызметкерлері араласып, қалған қаражаттың алаяқтардың қолына өтуіне тосқауыл қойды. Нәтижесінде тұрғынның 15 млн теңгесі сақталып қалды.
Аталған дерек бойынша сотқа дейінгі тергеу басталды.
