Есірткі қылмысы үшін іздеуде жүрген күдікті Ресейден экстрадицияланды, деп хабарлайды Kaztoday.kz.
Күдікті 2023 жылдың қыркүйегінде Жамбыл облысының аумағында 13 келі кептірілмеген марихуананы заңсыз сақтап, тасымалдағаны белгілі болған.
Сотқа дейінгі тергеу жұмыстары жүргізілгенде аталған азаматтың жасырынып жүргені анықталған. Осылайша құзырлы орган өкілдері оған халықаралық іздеу жариялаған.
Былтыр тамыз айында қашып жүрген азамат Ресей Федерациясы Киров облысының аумағында ұсталып, кейін Қазақстан Республикасы Бас прокуратурасының сұрауы бойынша Қазақстанға экстрадицияланды.
Бүгінде күдікті уақытша ұстау изоляторында қамауда отыр.
Оған аталған қылмысты жасағаны үшін мүлкі тәркіленіп, 10 жылдан 15 жылға дейінгі мерзімге бас бостандығынан айыру түріндегі жаза қарастырылған.
