Мәжіліс депутаты Мақсат Толықбай коммуналдық тарифтердің бағасы қымбаттауына байланысты пікірін білдірді, деп хабарлайды Kaztoday.kz.
Оның сөзінше, бағаның өсуі — заман талабы.
Табыстан басқасының барлығы өсіп жатыр. Баға қайда барасың деп халықтың ашынатыны орынды. Бірақ олар жеке компания. Олар минусқа жұмыс істемейді ғой. Біз оларды міндеттеп жатырмыз. Қарасаңыздар, жылу электр станцияларының көбі 60-70 жыл бұрын салынған, 70 пайыз тозығы жеткен. Жаңартпаса, құдай сақтасын, қақаған қыста бірнеше қала жылусыз қалуы мүмкін. Нағыз катастрофа сол кезде болады. Біз айтып жатырмыз, қызметкерлердің айлығын өсіріңдер, құбырларды жаңартыңдар деп. Ақырындап газға көшіңдер деп жатырмыз. Оның барлығы әрине, қосымша құн тарифке қосылатын белгілі. Бұл жерде сіз де біз де ешнәрсе істей алмаймыз. Ол — заман талабы, деді депутат М.Толықбай.
