Түркістан облысында екі көлік соқтығысып, өртке оранды. Алты адам қаза тапты, деп хабарлайды Kaztoday.kz
Түркістан облысында орын алған ауыр жол-көлік оқиғасы алты адамның өмірін қиды. Тағы төрт адам түрлі жарақаттармен ауруханаға жеткізілді.
Түркістан облысының полиция департаментінің мәліметінше, жеңіл көліктердің бірі қарама-қарсы қозғалыс жолағына шығып, басқа автокөлікпен бетпе-бет соқтығысқан. Соққының қатты болуына байланысты екі көлік те отқа оранды.
Қазіргі уақытта оқиға бойынша сотқа дейінгі тергеу басталды, барлық мән-жайлар анықталуда. Тергеу нәтижесі бойынша процессуалдық шешім қабылданады.
Түркістан облысының полиция департаменті жүргізушілерді жол қозғалысы ережелерін қатаң сақтауға, жылдамдықты асырмауға және қарама-қарсы қозғалыс жолағына шықпауға шақырды.
